Newskadai.com
தமிழ்நாடு

இ-பாஸ் பெறுவதை எளிமையாக்க குழுக்கள் அமைப்பு… முதலமைச்சர் பழனிசாமி அதிரடி உத்தரவு…!!

Share this:

கொரோனா பரவலை தடுப்பதற்காக ஊரடங்கு பிறப்பிக்கப்பட்டுள்ள நிலையில், ஆகஸ்ட் 1ம் தேதி முதல் 3ம் கட்ட தளர்வுகளை மத்திய அரசு அறிவித்திருந்தது. அதன்படி மாநிலங்களுக்கு இடையிலான மக்கள் மற்றும் சரக்கு போக்குவரத்துக்கு தடையில்லை என்றும், இதற்காக தனியாக இ-பாஸ் பெற தேவையில்லை என்றும் உத்தரவு பிறப்பித்திருந்தது. இதையடுத்து தமிழகத்தில் ஆகஸ்ட் 31ம் தேதி வரை முதலமைச்சர் பழனிசாமி ஊரடங்கை அறிவித்தார்.

அப்போது மத்திய அரசு இ-பாஸ் தேவையில்லை என்று அறிவித்திருந்தாலும் தமிழகத்தில் இ-பாஸ் கட்டாயம் என்றும், பிற மாநிலங்களில் இருந்து தமிழகம் வரும் வாகனங்கள் கட்டாயம் இ-பாஸ் பெற வேண்டும் என்றும் அறிவித்தார். இதனால் சிறு, குறு வணிகர்களின் வர்த்தகம் பாதிக்கப்பட்டுள்ளதாக புகார்கள் எழுந்தன.

தமிழகத்தில், அனைத்து கடைகள், தொழிற்சாலைகள் திறந்த பின், பிற மாவட்ட தொழிலாளர்கள், அண்டை மாவட்டங்களுக்கு வணிக ரீதியாக சென்று வர, ‘இ — பாஸ்’ கட்டாயப்படுத்தப்படுவது பல சிக்கல்களை உருவாக்கியது. அதுமட்டுமின்றி இ-பாஸ் கட்டாயம் என்பதை பயன்படுத்தி பல்வேறு முறைகேடுகள் நடப்பதாகவும், அதனால் அந்த நடைமுறையை ரத்து செய்ய வேண்டுமென்றும் தமிழக அரசுக்கு வணிகர் சங்கங்களின் சார்பிலும் கோரிக்கைகள் வைக்கப்பட்டது.

இந்நிலையில் இ-பாஸ் வழங்க மாவட்டந்தோறும் கூடுதலாக ஒரு குழு அமைக்க உத்தரவிடப்பட்டுள்ளதாக முதலமைச்சர் பழனிசாமி அறிவித்துள்ளார். மக்கள் உடனுக்குடன் இ-பாஸ் பெற மாவட்டம் தோறும் இரு குழுக்கள் அமைக்கப்பட்டுள்ளதாகவும், வெளி மாநில தொழிலாளர்களை தாரளமாக அழைத்து வரலாம் என்றும் தெரிவித்துள்ளார்.


Share this:

Related posts

கோட்டையில் கொடியேற்றினார் முதல்வர்… அதிரடி அறிவிப்புகளை வெளியிட்டு அசத்தல்…!!

THAVAMANI NATARAJAN

முதலமைச்சர் ஸ்டாலினுக்கு நன்றி சொன்ன ஓபிஎஸ்..!

MANIMARAN M

தஞ்சையில் பலகோடி மதிப்புள்ள அரியவகை ஓலைச்சுவடிகள் அபேஸ்… பொன்.மாணிக்கவேல் விசாரிக்க கோரிக்கை…

THAVAMANI NATARAJAN

ஜலகையில் செஞ்சூரி அடித்த கொரோனா… தீயாய் பரவும் தொற்றுக்கு மேலும் ஒருவர் பலி?

NEWSKADAI

எல்லா பணமும் கொரோனா சிகிச்சைக்கு தான்… முதல்வர் மு.க.ஸ்டாலினின் அடுத்த அதிரடி…!

NEWSKADAI

அடுத்தடுத்து வெளியாகும் அதிர்ச்சி தகவல் – ஆசிரியர்கள் மீது குவியும் பாலியல் புகார்கள்

MANIMARAN M