Newskadai.com
அரசியல்

பாஜகவுடன் சகவாசம்… திமுக எம்.எல்.ஏ. கு.க.செல்வம் கட்சிலிருந்து நிரந்தரமாக நீக்கம்… ஸ்டாலின் அதிரடி…!!

Share this:

ஆயிரம் விளக்கு தொகுதி எம்.எல்.ஏ கு.க.செல்வம் கடந்த சில தினங்களுக்கு முன்பு டெல்லியில் பாஜக தலைவர் ஜே.பி.நட்டாவை சந்தித்து சர்ச்சையை உருவாக்கியது. சென்னை மேற்கு மாவட்ட செயலாளராக பதவி வகித்து வந்த ஜெ.அன்பழகன் கொரோனாவால் உயிரிழக்க அந்த பதவி தனக்கு தான் கிடைக்கும் என கனவு கண்டார் கு.க.செல்வம். ஆனால் அப்படி எதுவும் நடக்கவில்லை. இடையில் புகுந்த திமுக இளைஞரணி செயலாளர் உதயநிதி ஸ்டாலினால், அவருக்கு நெருக்கமான சிற்றரசு அந்த பதவியில் அமரவைக்கப்பட்டார். இதனால் அதிருப்தியில் இருந்த கு.க.செல்வம் பாஜகவில் இணைய உள்ளதாக தகவல்கள் வெளியாகின.

அதே சமயத்தில் டெல்லி சென்ற கு.க.செல்வம் பாஜக தலைவர் ஜே.பி.நட்டாவை நேரில் சந்தித்தார். தனது தொகுதி பிரச்சனைக்காக ஜே.பி.நட்டாவை சந்தித்ததாக கு.க.செல்வம் தெரிவித்த நிலையில், அவரை திமுக தலைமை நிலைய அலுவலகச் செயலாளர் மற்றும் தலைமை செயற்குழு உறுப்பினர் பொறுப்புகளிலிருந்து விடுவிக்கப்படுவதாகவும், அடிப்படை உறுப்பினர் பதவியில் இருந்து தற்காலிகமாக நீக்கப்படுவதாகவும் திமுக தலைவர் ஸ்டாலின் அறிவித்தார்.

இதனையடுத்து ராமர் கோவில் அடிக்கல் நாட்டு விழாவின் போது, கமலாலயம் சென்ற கு.க.செல்வம் அங்கு நடந்த பூஜையிலும் கலந்து கொண்டார். இதனால் அவர் பாஜகவில் இணைந்ததாக கூறப்பட்டது. இந்நிலையில் எம்.எல்.ஏ.கு.க.செல்வத்தை நிரந்தரமாக கட்சியில் இருந்து நீக்குவதாக திமுக தலைமை அறிவித்துள்ளது. இதுகுறித்து திமுக தலைவர் மு.க.ஸ்டாலின் வெளியிட்டுள்ள அறிக்கையில், “திமுக தலைமை நிலைய அலுவலகச் செயலாளர் மற்றும் தலைமைச் செயற்குழு உறுப்பினர் பொறுப்புகளிலிருந்து விடுவிக்கப்பட்ட கு.க.செல்வம் திமுக கட்சிக் கட்டுப்பாட்டை மீறியும், கட்சிக்கு அவப்பெயர் ஏற்படும் வகையிலும் செயல்பட்டு வந்ததால், அவரிடம் கேட்கப்பட்ட விளக்கத்திற்கு அளித்த பதில் ஏற்றுக் கொள்ளும்படி இல்லாத காரணத்தால், அவர் அடிப்படை உறுப்பினர் உள்ளிட்ட அனைத்துப் பொறுப்புகளிலிருந்தும் நிரந்தரமாக நீக்கி (Dismiss) வைக்கப்படுகிறார்”. என அறிவித்துள்ளார்.


Share this:

Related posts

அதிர்ச்சி…! காற்றில் பரவும் புதிய வகை கொரோனா வைரஸ் கண்டுபிடிப்பு

AFRIN

தேனியில் போஸ்டர்… ஓபிஎஸ் – இபிஎஸ் வீடுகளில் மாறி, மாறி அமைச்சர்கள் ஆலோசனை… அதிமுகவில் பதற்றம்…!!

AMARA

கொரோனா தடுப்பு பணிக்காக ரூ.3 ஆயிரம் கோடி உடனடியாக தேவை… பிரதமரிடம் முதலமைச்சர் பழனிசாமி வலியுறுத்தல்…!

AMARA

கொரோனாவுக்கு பலியானார் காங்கிரஸ் எம்.பி. எச்.வசந்தகுமார்… சோகத்தில் மூழ்கியது காங்கிரஸ்…!!

NEWSKADAI

ஸ்டாலின் அதற்கு சரிபட மாட்டார்… துர்கா ஸ்டாலினை முதல்வர் வேட்பாளராக அறிவியுங்கள்… சுப்ரமணியன் சுவாமி பொளேர்…!

AMARA

ஊரடங்கு நீட்டிப்பா?… மாவட்ட ஆட்சியர்களுடன் முதல்வர் ஆலோசனை…!

AMARA