Newskadai.com
அரசியல்

போடி போஸ்டர் விவகாரம்… சத்தமில்லாமல் ஓ.பி.எஸ். போட்ட அதிரடி உத்தரவு…!!

CM
Share this:

கட்சியிலும், ஆட்சியிலும் இரு தலைமை இருந்தாலும் அதிமுகவில் எவ்வித சலசலப்பும் இல்லாமல் அமைதியாக போய்க்கொண்டிருந்தது. இடையில் யார் கண்ணு பட்டதோ தெரியவில்ல, அடுத்த முதலமைச்சர் யார் என்ற விவகாரத்தில் அமைச்சர்கள் செல்லூர் ராஜூ, ராஜேந்திர பாலாஜி, ஜெயக்குமார், ஆர்.பி.உதயகுமார், பாண்டியராஜன், கடம்பூர் ராஜூ ஆகியோர் மாறி, மாறி கருத்து தெரிவித்து வருகின்றனர். இதனால் அதிமுகவில் உச்சகட்ட பதற்றம் நிலவுகிறது.

எங்கே மீண்டும் தர்ம யுத்தம் வெடித்துவிடுமோ என்ற அசத்தில் ரத்தத்தின் ரத்தங்கள் துடித்துக்கொண்டிருந்த சமயத்தில் துணை முதலமைச்சர் ஓ.பன்னீர்செல்வம் தனது ட்விட்டர் பக்கத்தில் ஒரு பதிவை வெளியிட்டார். எம்.ஜி.ஆரின் பாடலை சுட்டிக்காட்டி, தாய்வழி வந்த… தங்கங்கள் எல்லாம் … ஓர்வழி நின்று… நேர்வழி சென்றால்.. நாளை நமதே! என்ற வரிகள் அதிகமுகவில் ஏற்பட்ட சலசலப்பை சற்றே அடங்கியது.

CM

இந்நிலையில், தேனியில் ஓபிஎஸுக்கு ஆதரவாக ஒட்டப்பட்ட போஸ்டர்கள் பரபரப்பை ஏற்படுத்தியுள்ளது. ஓ.பி.எஸ். சொந்த தொகுதியான தேனி முழுவதும் அவருடைய ஆதரவாளர்கள் மறைந்த முதலமைச்சர் ஜெயலலிதாவின் ஆதரவைப் பெற்ற ஒரே அரசியல் வாரிசு ஓ.பன்னீர்செல்வம் தான், தமிழக நிரந்தர முதல்வர் என்று போஸ்டர்கள் ஒ ட்டியுள்ளனர். பெரியகுளத்தில் உள்ள தென்கரை ஓ.பி.எஸ் இல்லம் அருகிலும் இதே போல் போஸ்டர்கள் ஓட்டப்பட்டுள்ளன. இதனால் அதிமுகவில் பெரும் சர்ச்சை வெடித்தது.

OPS

இதையடுத்து கிரீன்வேஸ் சாலையில் உள்ள ஓ.பன்னீர்செல்வம் இல்லத்தில், சி.வி.சண்முகம், ஜெயக்குமார், செங்கோட்டையன், தங்கமணி, வேலுமணி, கடம்பூர் ராஜு, திண்டுக்கல் சீனிவாசன், கே.சி.வீரமணி, காமராஜ், விஜயபாஸ்கர் ஆகிய 10 அமைச்சர்கள் அவசர ஆலோசனையில் ஈடுபட்டனர். அங்கு ஆலோசனை கூட்டம் நடைபெற்றுக்கொண்டிருக்கும் போதே, பெரியகுளத்தில் உள்ள தென்கரை ஓ.பி.எஸ் இல்லம் அருகே ஒட்டப்பட்டிருந்த போஸ்டர்கள் கிழிக்கப்பட்டன. 2021ம் ஆண்டு நடக்க உள்ள சட்டமன்ற தேர்தலில் வெற்றி பெறுவது மட்டுமே இலக்கு என கூறி வரும் ஓ.பன்னீர்செல்வம் அவர்களின் நேரடி உத்தரவின் பேரிலேயே போஸ்டர்கள் அனைத்தும் கிழிக்கப்பட்டதாக தகவல்கள் வெளியாகியுள்ளன.


Share this:

Related posts

பிரதமருடன் முதலமைச்சர் மு.க.ஸ்டாலின் ஆலோசனை… மோடி கொடுத்த ஒற்றை அட்வைஸ்…!

AMARA

இது மத்திய அரசின் சூழ்ச்சி… சிபிஎஸ்இ +2 தேர்வு ரத்து குறித்து பகீர் கிளப்பும் வைகோ…!

AMARA

பாஜகவுடன் சகவாசம்… திமுக எம்.எல்.ஏ. கு.க.செல்வம் கட்சிலிருந்து நிரந்தரமாக நீக்கம்… ஸ்டாலின் அதிரடி…!!

AMARA

இந்திய கம்யூனிஸ்ட் கட்சியின் மூத்த தலைவர் சி.மகேந்திரனுக்கு கொரோனா தொற்று உறுதி…!!

NEWSKADAI

இருவரின் கைப்பாவையாக மாறிய கமல்… மநீம-வில் இருந்து விலகிய முருகானந்தம் பகீர் குற்றச்சாட்டு…!

AMARA

இதைச் செய்தாலே போதும் கொரோனா கிட்ட நெருங்காது… முதல்வர் மு.க.ஸ்டாலின் அட்வைஸ்…

AMARA