“இனி மணல் கடத்தல் வழக்கில் சிக்கினால்”… அதிரடி உத்தரவை பிறப்பித்து அதிரவைத்த உயர் நீதிமன்றம்…!!

தமிழகத்தில் நீலகிரி மாவட்டத்தை தவிர மற்ற மாவட்டங்களில் உள்ள காவல் நிலையங்களுக்கு ஏராளமான மணல் கடத்தல் வழக்குகள்  பதிவாகிறது. இந்த வழக்கில் சிக்குபவர்களுக்கு எளிதாக ஜாமீன் வழங்கப்படுகிறது. அவ்வாறு ஜாமீன் வழங்கப்படுபவர்களுக்கு அபரதமாக குறிப்பிட்ட தொகையை செலுத்துமாறு நீதிமன்றங்கள் நிபந்தனைகளை விதிக்கின்றன.

அதன் அடிப்படையில் இந்த நிபந்தனை தொகையை பெற்று மாவட்டத்தில் உள்ள கனிமவள மேம்பாட்டுக்கு செலவு செய்ய மாவட்ட கலெக்டர் தலைமையில் ஒரு அமைப்பும் உருவாக்கப்பட்டது. குறிப்பிட்ட தொகையை செலுத்தினால் மணல் கடத்தல் குறையும் என்ற எண்ணத்தில் நீதிமன்றங்கள் உத்தரவு பிறப்பித்தன. ஆனால் மணல் கடத்தல் எண்ணிக்கை குறையவில்லை மாறாக மாவட்ட நிர்வாகத்துக்கு கிடைக்கும் தொகையானது  பெரும் அளவில் அதிகரித்து வருகிறது. முன்ஜாமீன் நிபந்தனையாக ரூ.25 ஆயிரம் விதித்தாலும் கூட அவர்கள் அத்தொகையை செலுத்த தயங்குவதில்லை .

இந்த நிலையில் சென்னை உயர்நீதிமன்ற நீதிபதி ஏ.டி.ஜெகதீஷ் சந்திரா முன்பு மணல் கடத்தல் வழக்குகளில் சிக்கியவர்களின் ஜாமீன் கேட்டு தாக்கல் செய்த 15 மனுக்கள் நேற்று முன்தினம் விசாரனைக்கு வந்தது. மணல் கடத்தல் வழக்குகளில் மிகவும் எளிதாக ஜாமீன் கிடைப்பதால் மணல் கடத்தல் விவகாரம் அதிகரித்து வருகிறது. இது நீடித்து கொண்டே போனால் தமிழகத்தில் கனிமவளம் எதிர்காலத்தில் இல்லாமல் போய் விடும்.

குடிதண்ணீருக்கு அடுத்த தலைமுறையினர் திண்டாட வேண்டியது வரும். ஆகையால் இனி மணல் கடத்தல் வழக்குகளில் சிக்குவோருக்கு ஜாமீன் கிடையாது. அவர்கள் சிறைக்குள் சில காலம் இருந்தால் தான் கடத்தலில் ஈடுபடுவோருக்கு பயம் வரும். இதனால் மணல் கடத்தலும் குறையும். இயற்கை வளங்களையும் பாதுகாக்கப்படும் என்று நீதிபதி தெரிவித்தார். இதனால் இனி மணல் கடத்தல் வழக்குகள் குறையும் என எதிர்ப்பார்க்கப்படுகிறது.