Newskadai.com
அரசியல்

“இனி இ-பாஸ் தேவையில்லை”… முதலமைச்சர் அதிரடி அறிவிப்பால் மக்கள் மகிழ்ச்சி…!!

Epass
Share this:

கொரோனா லாக்டவுன் காரணமாக பல்வேறு பொருளாதார சிக்கல்களை சந்தித்து வரும் மக்களுக்கு இ-பாஸ் நடைமுறை மிகப்பெரிய முட்டுக்கட்டையாக உள்ளதாக பல்வேறு புகார்கள் எழுந்து வந்தன. இதையடுத்து கடந்த முறை மத்திய அரசு வெளியிட்ட 3ம் கட்ட தளர்வுகளில் இ – பாஸ் நடைமுறை தேவையில்லை என அறிவித்திருந்தது.

 

Epass

 

ஆனால் 7ம் கட்டமாக தமிழகம் மற்றும் புதுச்சேரியில் ஆகஸ்ட் 31ம் தேதி வரை அறிவிக்கப்பட்டுள்ள ஊரடங்கில் இ-பாஸ் கட்டாயம் என அறிவிக்கப்பட்டிருந்தது. அதன்படி பிற மாவட்டம் அல்லது மாநிலங்களுக்குச் செல்லும் போது ஆன்லைனில் இ-பாஸ் விண்ணப்பிக்க வேண்டும். குறிப்பாக அவசர தேவைகளுக்கு மட்டுமே இ-பாஸுக்கு விண்ணப்பிக்க வேண்டும் என்பதால் மக்கள் பல்வேறு இன்னல்களை அனுபவித்து வந்தனர்.

 

Epass
 

 

மேலும் தமிழகத்தில் இ-பாஸ் முறைகேடுகள் நடப்பதாகவும், மருத்துவம் உள்ளிட்ட அவசர தேவைகளுக்கு கூட இ-பாஸ் கிடைப்பதில்லை என்றும் குற்றச்சாட்டுக்கள் எழுந்தது. இதையடுத்து அதிரடி நடவடிக்கையில் இறங்கிய முதலமைச்சர் எடப்பாடி பழனிசாமி விண்ணப்பிக்கும் அனைவருக்கும் இ-பாஸ் வழங்கப்படும் என்றும், அதனை சரியான முறையில் பயன்படுத்திக்கொள்ளும் படியும் அறிவித்தார்.

 

Epass

 

இந்நிலையில் நேற்று மத்திய உள்துறை செயலாளர் அனைத்து மாநில மற்றும் யூனியன் பிரதேச தலைமைச் செயலாளர்களுக்கும் கடிதம் ஒன்றை அனுப்பியிருந்தார். அதில் மாநிலம் விட்டு மாநிலம் செல்வதற்கான தடைகளால் பொருளாதாரம் மற்றும் வேலை வாய்ப்பு பாதிக்கப்படுவதாகவும், மாநிலம் விட்டு மாநிலம் செல்ல எவ்வித தடைகளும் கூடாது என மத்திய அரசின் தளர்வுகளில் தெளிவாக குறிப்பிடப்பட்டுள்ளதாகவும் சுட்டிக்காட்டினர். மேலும் மாநிலம் விட்டு மாநிலம் பயணிக்க இ-பாஸ் உள்ளிட்ட சிறப்பு நடவடிக்கைகள் தேவையில்லை என்றும் குறிப்பிட்டிருந்தார்.

 

Epass

 

மத்திய அரசின் இந்த அறிவிப்பை ஏற்று புதுச்சேரி முதலமைச்சர் நாராயணசாமி இ-பாஸ் முறையை ரத்து செய்து உத்தரவிட்டுள்ளார். இதனால் புதுச்சேரிக்குள்ளேயும், வெளிமாநிலங்களுக்கும் செல்ல இ-பாஸ் தேவையில்லை என்ற அறிவிப்பு புதுச்சேரி மக்களை மகிழ்ச்சியில் ஆழ்த்தியுள்ளது.


Share this:

Related posts

ஆறே கேள்விகளில் மோடியை ஆட்டம் காண வைத்த ராகுல் காந்தி…!!

THAVAMANI NATARAJAN

எம்.ஜி.ஆர். குடும்பத்தில் ‘கொரோனா’ மரணம்… சோகத்தில் துடிதுடிக்கும் இ.பி.எஸ். – ஓ.பி.எஸ்…!

AMARA

பழிக்காத பாஜக பாட்ஷா… #GoBackStalin-ன்னு ட்விட்டரில் ட்ரெண்டாகி என்ன செய்ய?

AMARA

ரஜினி மக்கள் மன்றத்தில் உள்ளவர்கள்  அவரவர் விருப்பம் போல மற்ற கட்சியில் இணையலாம் என அதிரடி அறிவிப்பு…!

THAVAMANI NATARAJAN

விஜய் சேதுபதிக்கு வலை விரிக்கும் பாஜக… வரித்து கட்டிக்கொண்டு வக்காலத்து வாங்கும் குஷ்பு, அண்ணாமலை… பின்னணி என்ன?

NEWSKADAI

குஷ்பு பாஜகவில் இணைய அவர் தான் காரணம்…. கடுப்பில் கொந்தளித்த காங்கிரஸ் மூத்த தலைவர்…!

NEWSKADAI