மத்திய அரசின் பலவகையான துறைகளுக்கு தேவையான பணியாளர்களை நியமிப்பதற்கு அந்ததந்த துறைகள் அதற்கான தேர்வுகளை நடத்துகின்றனர். விண்ணப்பம் போடுபவர்கள் அதிக அளவிலான ஆள்தேர்வு முகமைகளுக்குக் கட்டணம் செலுத்துவதுடன், தேர்வுகளை எழுத நீண்ட தூரம் பயணிக்க வேண்டியுள்ளது, இதனால் பெண்களுக்கு பாதுகாப்பு என்பது மிகவும் குறைவாக உள்ளது. அதுமட்டுமின்றி தேர்வு நடத்துவதற்கான மையங்கள் ஏற்பாடு செய்வதில் சட்டம் ஒழுங்க பாதுகாப்பு தொடர்பான பல வகையான பிரச்சனைகளும், தேர்வு மையங்களுக்கு இது சுமையாகவும் உள்ளது.
இதனை நினைவில் கொண்டு மத்திய அரசு இதற்கான மாற்று திட்டத்தை செயல்படுத்த உள்ளது. அந்த வகையில் தேசிய பொது தகுதித் தேர்வு நடத்துவதாகவும் அதில் 12 மொழிகளில் எழுதவும், விண்ணப்பதாரர்கள் ஒரு முறை தேர்வு எழுதிய பிறகு அனைத்து வகையான ஆள்தேர்வு முகமைகளுக்கும் விண்ணப்பிக்க முடியும் இவ்வாறான சலுகைகளை கொண்டுள்ளது.
மேலும் இதில் பி மற்றும் சி பிரிவில் வரும் (தொழில்நுணுக்கம் சாராத) பணிகளுக்கு மாணவர்கள் பட்டியலை முதல்நிலையில் தயாரித்தளுக்கு பொதுவான தகுதித்தேர்வை, சி.இ.டி எனப்படும் செட் தேர்வை, தேசிய ஆள்தேர்வு முகமை (என்.ஆர்.ஏ ) என்ற பன்முக முகமை நடத்தும். இந்த முகமையில் ரயில்வே, நிதி, நிதிச்சேவைகள், எஸ்.எஸ்.ஏ., ஆர்.ஆர்.பி., ஐ.பி.பி.எஸ்., ஆகியவற்றின் பிரதிநிதிகள் இடம் பெறுவார்கள். இதற்கான தேர்வு மையங்கள், 117 மாவட்டங்களில் உருவாக்குவதாக அறிவிக்கப்பட்டுள்ளது. இதனால் விண்ணப்பதாரர்கள் அவர் வாழும் பகுதிக்கு அருகில் அமையும் தேர்வு மையத்திற்கு செல்ல ஏதுவாக அமையும்.
மேலும் படிக்க:http://நீட் தேர்வு அச்சம்: கோவையில் மாணவி தூக்கிட்டு தற்கொலை… முடிவின்றி தொடரும் சோகம்…!!
இதோடு என்.ஆர்.ஏ அமைப்பானது தேர்வு முறையை மூன்றாக பிரித்துள்ளது. அதில் எஸ்.எஸ்.சி ., ரயில்வே ஆள்தேர்வு வாரியங்கள், மற்றும் ஐ.பி.பி.எஸ் சார்பில் நடத்தப்படும் பட்டதாரி, 12ஆம் வகுப்பு தேர்ச்சி, மற்றும் 10 ஆம் வகுப்பு தேர்ச்சி என்ற மூன்று நிலைகளில் தொழில் நுணுக்கம் அல்லாத பணிகளுக்கான பொது தகுதித்தேர்வுகளை நடத்த உள்ளது.மேலும் நிலை 2 மற்றும் 3 ஆள்தேர்வு முறைகளின் அடிப்படையில் அந்தந்த ஆள்தேர்வு முகமைகள் ஆள் சேர்க்கைப் பணிகளை தொடரும். இந்த தேர்வுக்கான பாடங்கள் பொதுவானதாகவும், தரநிலைப் படுத்தியதாகவும் இருக்கும்.