Newskadai.com
அரசியல் தமிழ்நாடு

அடுத்தடுத்து வெளியாகும் அதிர்ச்சி தகவல் – ஆசிரியர்கள் மீது குவியும் பாலியல் புகார்கள்

Share this:

பாலியல் புகாரில் சிக்கிய பள்ளி ஆசிரியர் ராஜகோபாலனை கைது செய்த போலீசார் போக்சோ உள்ளிட்ட 5 பிரிவுகளின் மீது வழக்குப்பதிவு செய்தனர். வேறு பள்ளிகளை சேர்ந்த மாணவிகளும் ஆசிரியர்கள் மீது பாலியல் புகார்களை கூறி வருவது அதிர்ச்சியை ஏற்படுத்தியுள்ளது.

‘ஆன்லைன்’ வகுப்பின் போது பள்ளி மாணவிகளுக்கு பாலியல் தொந்தரவு அளித்த சென்னை கே.கே.நகரை சேர்ந்த பத்ம சேஷாத்திரி பாலபவன் பள்ளியின் வணிகவியல் ஆசிரியர் ராஜகோபாலன் (வயது 59) கைது செய்யப்பட்டார். பத்ம சேஷாத்திரி பள்ளி தாளாளர் ஷீலா ராஜேந்திரா, முதல்வர் கீதா கோவிந்தராஜன் ஆகியோருக்கு போலீசார்  சம்மன் அனுப்பியதுடன் 25ம் தேதி சென்னை அசோக்நகர் காவல் நிலையத்திற்கு அழைத்து வரப்பட்டு 3 மணி நேரம் விசாரணை நடத்தினர். அங்கு அவரிடம், பெண்கள் மற்றும் குழந்தைகளுக்கு எதிரான குற்றத் தடுப்பு பிரிவு துணை ஆணையர் ஜெயலட்சுமி, தியாகராயர்நகர் துணை ஆணையர் ஹரிகிரண் பிரசாத் ஆகியோர் விசாரணை மேற்கொண்டனர்.

2வது நாளாக தொடர்ந்து 3 மணி நேரத்துக்கும் மேலாக விசாரணை நீடித்தது. இந்த விசாரணையின்போது, ‘ஆசிரியர் ராஜகோபாலன் மீது ஏற்கனவே எத்தனை மாணவிகள், பெற்றோர்கள் புகார் அளித்துள்ளனர்?. அந்த புகாரின் பேரில் ஏன் நடவடிக்கை எடுக்கவில்லை? இந்த புகார்கள் குறித்து போலீசார் கவனத்துக்கு கொண்டு வராதது ஏன்? என்பது போன்ற அடுக்கடுக்கான கேள்விகளை காவல்துறை அதிகாரிகள் எழுப்பினர்.

பெரும்பாலான கேள்விகளுக்கு பள்ளி முதல்வர் கீதா கோவிந்தராஜனின் பதில் மவுனமாக இருந்ததாக கூறப்படுகிறது. இந்த சர்ச்சைகளுக்கு இடையே, ஆன்லைன் வழியில் வகுப்புகளை நடத்தும் பள்ளிகள் அதனை பதிவு (Record) செய்ய வேண்டும் என தமிழக அரசு உத்தரவிட்டுள்ளது. பதிவு செய்யப்பட்ட ஆன்லைன் வகுப்பு வீடியோக்களை அவ்வப்போது பெற்றோர் ஆசியர் சங்கத்தின் மூலமாக கண்காணித்து ஆய்வு செய்ய வேண்டும் என முதலமைச்சர் மு.க ஸ்டாலின் உத்தரவிட்டுள்ளார். ஆன்லைன் வகுப்புகளில் ஆசிரியர்கள் கண்ணியம் தவறும் வகையில் நடந்துகொள்ளும் பட்சத்தில், அவர்களின் மீது கட்டாயம் போக்ஸோ சட்டத்தின் கீழ் கடுமையான நடவடிக்கை எடுக்கப்படும் என்றும் தமிழக அரசு எச்சரித்துள்ளது.

30க்கும் மேற்பட்ட வேறுசில பள்ளி மற்றும் கல்லூரிகளை சேர்ந்த மாணவிகளும், பெற்றோரும் ஆசிரியர்கள் மீது பாலியல் புகார் அளித்து வருவதாக அதிர்ச்சி தகவல் வெளியாகியுள்ளது.


Share this:

Related posts

செப்.7 முதல் தமிழ்நாட்டில் எந்தெந்த ஊருக்கு ரயில் ஓடும் – தென்னக ரயில்வே அறிவிப்பு…

MANIMARAN M

வாகன ஓட்டிகள் மீது வரியை அள்ளி வீசும் சுங்கச்சாவடிகள்… மறைமுக கட்டணத்தால் மன உளைச்சலில் மக்கள்…!!

THAVAMANI NATARAJAN

#coronavirus தினந்தோறும் உயர்ந்துகொண்டே இருக்கும் இறப்பு எண்ணிக்கை- இன்றைய கொரோனா நிலை..!!

NEWSKADAI

உயிரிழந்த காவலரின் குடும்பத்திற்காக ஒன்றிணைந்த போலீசார்… சம்பளத்தில் இருந்து ரூ.86 லட்சம் நிதியுதவி…!

THAVAMANI NATARAJAN

ஈ-பாஸால் எல்லாம் நாசமா போச்சு: குமுறும் விவசாயிகள், சிறு தொழில் முனைவோர்…

MANIMARAN M

மக்களே உஷார்….‘உயிருக்கே ஆபத்து’… ஆவி பிடிப்பது குறித்து சுகாதாரத்துறை எச்சரிக்கை…!

AMARA