கந்த சஷ்டி கவச அவதூறு: கறுப்பர் கூட்டம் சுரேந்திரன் மீது பாய்ந்தது குண்டர் சட்டம்…!!

தமிழகத்தில் கடந்த சில நாட்களாகவே கந்த சஷ்டி கவசம் அவதூறு விவகாரம் விஸ்வரூபம் எடுத்து வருகிறது. கடவுள் முருகனின் கந்த சஷ்டி கவசத்தை கொச்சையாகவும், அவதூறாகவும் சித்தரித்து கறுப்பர் கூட்டம் என்ற யூ-டியூப் சேனல் வீடியோ ஒன்றை வெளியிட்டது. இந்த விவகாரத்தை கையில் எடுத்த பாஜக உள்ளிட்ட இந்து அமைப்புகள் கறுப்பர் கூட்டம் யூ-டியூப் சேனலைச் சேர்ந்தவர்கள் மீது நடவடிக்கை எடுக்க வேண்டுமென பல்வேறு புகார்களை கொடுத்தனர்.

மேலும் படிக்க:http://லாக்டவுனில் இப்படி ஒரு காரியம் செய்தாரா தல அஜித்?… தாறுமாறு வைரலாகும் போட்டோவால் குஷியான ரசிகர்கள்…!!

இதையடுத்து அதிரடியாக களத்தில் இறங்கிய போலீசார், கறுப்பர் கூட்டம் யூ-டியூப் சேனலைச் சேர்ந்த முக்கிய நிர்வாகிகளான செந்தில் வாசன், சுரேந்திரன் உள்ளிட்ட 4 பேரை கைது செய்தனர். அதனைத் தொடர்ந்து கறுப்பர் கூட்டம் யூ-டியூப் சேனலில் பதிவிடப்பட்டிருந்த 500க்கும் மேற்பட்ட வீடியோக்களை சைபர் கிரைம் போலீசார் நீக்கினர். தமிழக அரசின் இந்த நடவடிக்கைக்கு சூப்பர் ஸ்டார் ரஜினிகாந்த் தனது ட்விட்டர் பக்கத்தில் பாராட்டு தெரிவித்திருந்தார்.

மேலும் படிக்க: http://மத்திய அரசுடன் மல்லுகட்டும் எதிர்க்கட்சிகள்… EIA சட்டத்திற்கு எதிராக வலுக்கும் கண்டனங்கள்…!!

இதையடுத்து கறுப்பர் கூட்டம் யூ-டியூப் சேனலைச் சேர்ந்த சுரேந்திரன் மீது குண்டர் தடுப்பு சட்டத்தின் கீழ் வழக்குப்பதிவு செய்யப்பட்டுள்ளது. சென்னை மாநகர காவல் ஆணையர் மகேஷ் குமார் உத்தரவின் பேரில் எடுக்கப்பட்டுள்ள இந்த நடவடிக்கையால் சுரேந்திரன் ஓராண்டிற்கு வெளியில் வர முடியாதபடி நடவடிக்கை மேற்கொள்ளப்பட்டுள்ளது.