Newskadai.com
தமிழ்நாடு

தமிழகத்தில் விநாயகர் சதுர்த்தி நடந்தே தீரும்… அரசுக்கு சவால் விடும் இந்து முன்னணி…!!

Share this:

பொதுமக்கள் நலன் கருதி கொரோனா நோய் பரவலை தடுக்கும் நடவடிக்கையாக பொது இடங்களில் மக்கள் கூடுவது தடை செய்யப்பட்டு ஊரடங்கு கட்டுப்பாடுகள் அமலில் உள்ளது. இதனால் விநாயகர் சதுர்த்தி அன்று சிலைகளை ஊர்வலமாக எடுத்துச் செல்வதை அனுமதிக்க இயலாது. விநாயகர் சதுர்த்தி பண்டிகையை மக்கள் இவ்வாண்டு அவரவர் வீடுகளிலேயே கொண்டாட வேண்டும் என்று தமிழக அரசு அறிவித்து உள்ளது. இந்நிலையில் இந்து முன்னணியின் தமிழ் மாநிலத் தலைவர் காடேஸ்வரா சி சுப்பிரமணியம் வெளியிட்டுள்ள அறிக்கையில்,

ஆன்மீக நம்பிக்கை தான் நோய் எதிர்ப்பு சக்தியையும், நோயை எதிர்த்துப் போராடும் நம்பிக்கையை கொடுக்கும். அதற்காகவே இந்த ஆண்டு விநாயகர் சதுர்த்தி விழாவை எளிமையாகவும் அதே சமயம் கட்டுப்பாட்டுடனும் நடத்திட ஏற்பாடுகள் செய்து வருகிறோம். தற்போது தமிழக அரசு இந்துக்களுக்கு அநீதி இழைக்கும் வகையில் இந்து விரோத நிலைப்பாட்டை எடுத்துள்ளது. விநாயகர் சதுர்த்தி விழாவிற்கு தடை விதித்துள்ளது.

கடந்த 36 ஆண்டுகளாக விநாயகர் சதுர்த்தி திருவிழாவை இந்துக்கள் ஒற்றுமையுடன் எழுச்சி விழாவாக கொண்டாடி வருகின்றனர். ஒவ்வொரு ஆண்டும் அரசு விதிக்கும் கட்டுப்பாடுகளை மதித்து விழாவை நடத்தி வந்துள்ளோம். கொரோனா தொற்றுநோய் காரணமாக தக்க முன்னெச்சரிக்கை பாதுகாப்புடன் சுகாதாரத்துறை விதிக்கும் கட்டுப்பாடுகளை கடைப்பிடித்து இவ்வாண்டு விநாயகர் சதுர்த்தி விழா ஒன்றரை லட்சம் இடங்களில் திட்டமிட்டபடி நடக்கும் என்பதை இந்து முன்னணி உறுதியாக தெரிவித்துக் கொள்கிறது என்று அந்த அறிக்கையில் தெரிவிக்கப்பட்டுள்ளது.


Share this:

Related posts

ஆன்லைன் வகுப்பில் மாணவிகளுக்கு பாலியல் துன்புறுத்தல் அளித்த ஆசிரியர்..! நடந்தது என்ன..?

MANIMARAN M

கைலாசாவிற்கு வர இந்த மூணு ஊர்காரங்களுக்கு முன்னுரிமை… நித்தியின் தமிழ்நாட்டு பாசம்…!!

AMARA

உலக பிரசித்திப் பெற்ற கோயில் திருவிழா…பக்தர்கள் பங்கேற்க தடை..!! மாவட்ட எஸ்.பி.அறிவிப்பு…

MANIMARAN M

#BREAKING விரைவில் தொடங்குங்கள்… முதலமைச்சர் மு.க.ஸ்டாலினிடம் இருந்து வந்த முக்கிய அறிவிப்பு…!

AMARA

அடித்து நொறுக்க போகும் கனமழை… வானிலை ஆய்வு மையம் எச்சரிக்கை…!

NEWSKADAI

சுதந்திர தினத்தை வீட்டிலேயே கொண்டாடுங்க…. வெளியில் வராதீங்க… முதல்வர் அறிவிப்பு.

MANIMARAN M