Newskadai.com
இந்தியா

ஏழைகளுக்கு சோறு போட்ட 100 நாள் வேலை திட்டத்தின் தந்தை காலமானார்…!!

Share this:

2020 ஆம் ஆண்டில் கொரோனா மற்றும் உடல்நலக்குறைவால் உயிரிழப்பவர்கள் பாமர மக்கள் மட்டுமின்றி திரை பிரபலங்கள், அரசியல் பிரமுகர்கள், அதிலும் உயர் பதவியில் இருப்பவர்கள் அதிகம் உயிரிழந்து வருகிறார்கள். அந்த வரிசையில் 100 நாள் திட்டத்தின் தந்தை என அழைக்கப்பட்ட ரகுவன்ஷ் பிரசாத் சிங் அவர்கள் நேற்று காலமானார்.

பீகார் மாநிலத்தைச் சேர்ந்த முன்னாள் மத்திய மந்திரியும், ராஷ்டிரிய ஜனதா தளம் கட்சியின் முன்னாள் தலைவருமான ரகுவன்ஷ் பிராசத் சிங் உடல்நலக் குறைவால் டெல்லி எய்ம்ஸ் மருத்துவமனையில் அனுமதிக்கப்பட்டிருந்தார். கடந்த வெள்ளிக்கிழமை அவரது உடல்நிலை மோசமடைந்தது. இதனால் அவருக்கு வென்டிலேட்டர் உதவியுடன் செயற்கை சுவாசம் அளிக்கப்பட்டு தொடர்ந்து சிகிச்சை இருந்தார். ஆனால் அவரது உடல் நிலையில் எந்த முன்னேற்றம் ஏற்படவில்லை. இந்நிலையில் ரகுவன்ஷ் பிரசாத் சிங் நேற்று காலை உயிரிழந்தார். அவருக்கு வயது 74. அவரது மறைவுக்கு ராஷ்டிரிய ஜனதா தளம் கட்சியின் தலைவரும் பீகார் மாநில முன்னாள் முதல்வருமான லாலு பிரசாத் யாதவ், மத்திய பிரதேச முதல்வர் சிவராஜ் சிங் சவுகான், மார்க்சிஸ்ட் கட்சியின் பொதுச்செயலாளர் சீதாராம் யெச்சூரி உள்ளிட்ட பலர் இரங்கல் தெரிவித்துள்ளனர்.

ஐக்கிய முற்போக்கு கூட்டனி ஆட்சியின்போது ஊரக வளர்ச்சித்துறை மந்திரியாக பதவி வகித்த இவர், கிராமப்புற வளர்ச்சிக்காக பல திட்டங்களை முன்னின்று கொண்டு வந்தவர். அதில் கிராமப்புறத் தொழிலாளர்களுக்கு வேலைவாய்பை உறுதி செய்யும் முக்கிய திட்டமான, மகாத்மா காந்தி தேசிய ஊரக வேலை உறுதியளிப்பு திட்டம் ஆகும்.  அதாவது 100 நாள் வேலை திட்டம்.லாலு பிரசாத் யாதவுடன் மிகவும் நெருக்கமான தலைவராக இருந்த ரகுவன்ஷ் பிரசாத் சிங், சமீபத்தில் கட்சியில் இருந்து விலகுவதாக அறிவித்து அரசியலில் பரபரப்பை ஏற்படுத்தினார்.

அவர் தேசிய ஜனநாயகக் கூட்டனிக்கு செல்லவிருப்பதாகவும் தகவல் பரவியது. இந்த நிலையில்தான் அவருக்கு உடல் நல பாதிப்பு ஏற்பட்டது. ஏற்கனவே கடந்த ஜூன் மாதம் கொரோனாவால் பாதிக்கப்பட்டு எய்ம்ஸ் மருத்துவமனையில் ஒரு வாரத்திற்கும் மேலாக சிகிச்சை பெற்று வீடு திரும்பியிருந்தார். கொரோனாவுக்கு பிந்தைய கண்காணிப்பில் இருந்த நிலையில் மீண்டும் உடல்நிலை பாதிக்கப்பட்டு உயிரிழந்தார்.


Share this:

Related posts

சிறந்த பல்கலைக்கழகமாக தேர்வு செய்யப்பட்ட “தேச விரோத பல்கலைக்கழகம்”…

MANIMARAN M

ஐந்து நாளில் 3,076 கோடி…! பி.எம் கேர்ஸிடம் கணக்கு கேட்கும் ப.சிதம்பரம்..!!

THAVAMANI NATARAJAN

மாணவர்களுக்கு இலவச ஆன்ட்ராய்டு போன்… அரசின் அதிரடி அறிவிப்பு….!!

MANIMARAN M

சல்யூட் போடு… இன்று கார்கில் வெற்றி நாள்… தீரத்தோடு போரிட்டு வீர மரணமடைந்த ராணுவ வீரர்களுக்கு மரியாதை…!!

NEWSKADAI

அயோத்தி பூஜையன்று குரங்குகளுக்கு சிறப்பான கவனிப்பு… உ.பி. முதல்வரின் அதிரடி உத்தரவு…!!

NEWSKADAI

கொரோனாவிலும் குறையாத நெருக்கடி: ஓலா, ஊபர் ஓட்டுநர்கள் திடீர் வேலை நிறுத்தம்…!!!

MANIMARAN M