Newskadai.com
அரசியல் தமிழ்நாடு

ம.பி முதல்வர் போல அதிரடி காட்டுங்க… எடப்பாடியாரை உசுப்பேத்தும் ராமதாஸ்…

Share this:

தமிழகத்தில் காலியாக உள்ள மத்திய மாநில அரசுப் பணிகளில் தமிழர்களுக்கு வழங்க வேண்டும் என தமிழகத்தில் கோரிக்கை வலுத்து வருகிறது. நாம் தமிழர் கட்சி சீமான், தமிழக வாழ்வுரிமைக் கட்சி வேல்முருகன் ஆகியோர் இக்கருத்துகளை வலியுறுத்தி வருகின்றனர். கடந்த சில தினங்களுக்கு முன் இக்கோரிக்கையை வலியுறுத்தி தமிழக வாழ்வுரிமைக் கட்சி சார்பில் போராட்டங்கள் நடைப்பெற்றது. சென்னை வளசரவாக்கத்தில் போராட்டத்திற்கு தலைமை தாங்கிய தமிழக வாழ்வுரிமை கட்சி தலைவர் வேல்முருகன் செய்தியாளர்களிடம் பேசியபோது, தமிழகத்தில் அரசு, பொதுத்துறை மற்றும் தனியார் வேலை வாய்ப்புகளில் வட இந்தியர்களின் ஆதிக்கம் நாளுக்கு நாள் அதிகரித்து வருகிறது. எனவே தமிழக வேலை வாய்ப்புகள் தமிழர்களுக்கே வழங்க வேண்டும் என்றும் இது குறித்து தமிழக முதல்வர் பழனிச்சாமி உடனடி தீர்வு காண வேண்டும் என்று வலியுறுத்தி இருந்தார்.

இதற்கிடையில் நேற்று மத்திய பிரதேச முதல்வர் சிவ்ராஜ் சிங் சவுகான் ஒரு அதிரடி அறிவிப்பை வெளியிட்டார். மத்திய பிரதேசத்தில் அரசு வேலைகள் மாநில இளைஞர்களுக்கு மட்டுமே வழங்கப்படும். அதற்கு தேவையான சட்ட நடவடிக்கைகளை நாங்கள் மேற்கொள்வோம். மத்திய பிரதேசத்தின் வளங்கள் மத்திய பிரதேசத்தின் குழந்தைகளுக்கு மட்டுமே” என்று அறிவித்திருந்தார்.

இந்நிலையில் பாமக நிறுவனர் டாக்டர் ராமதாஸ், “மத்தியப் பிரதேசத்தில் அனைத்து அரசு வேலைவாய்ப்புகளும் அம்மாநில மக்களுக்கு மட்டும் தான் வழங்கப்படும் என்று முதலமைச்சர் சிவராஜ்சிங் சவுகான் அறிவித்திருப்பது வரவேற்கத்தக்கது. தமிழ்நாட்டிலும் அதேபோன்ற அறிவிப்பை வெளியிட்டு, சட்டமியற்ற தமிழக அரசு முன்வர வேண்டும்!” என்று வலியுறுத்தி தனது ட்விட்டர் பக்கத்தில் பதிவிட்டுள்ளார்.


Share this:

Related posts

அடுத்த 5 நாட்களுக்கு இந்த கடல் பகுதிகளுக்கு செல்ல வேண்டாம்… மீனவர்களுக்கு வானிலை மையம் எச்சரிக்கை…!!

THAVAMANI NATARAJAN

மனநலம் பாதிக்கப்பட்டவர்களும் மனிதர்களே… தமிழக அரசுக்கு அதிரடி உத்தரவு போட்ட உயர் நீதிமன்றம்…!!

AMARA

ஊழியர்களின் ஊதியத்தில் கை வைக்கும் “Swiggy”… கொதித்தெழும் சீமான்..

MANIMARAN M

கல்லூரி இறுதி பருவத் தேர்வை தவிர அனைத்தும் ரத்து… அதிரடி அறிவிப்பை வெளியிட்ட முதலமைச்சர்…!!

AMARA

பிரதமருடன் முதலமைச்சர் மு.க.ஸ்டாலின் ஆலோசனை… மோடி கொடுத்த ஒற்றை அட்வைஸ்…!

AMARA

சென்னைவாசிகளுக்கு அதிர்ச்சி… ஆட்சியர் சீதாலட்சுமிக்கு உறுதியானது கொரோனா தொற்று….!!

NEWSKADAI