Newskadai.com
விளையாட்டு

அடித்து ஆடியும் பரிதாபமான தோல்வி… விரட்டிப் பிடித்து வெற்றிக் கனியை பறித்த டெல்லி…

ipl csk vs dc
Share this:

Dream11 ஐபிஎல் 2020 தொடரில் 34 வது லீக் போட்டியில் சென்னை சூப்பர் கிங்ஸ் அணி டெல்லி கேபிடல்ஸ் அணியுடன் ஷார்ஜாவில் மோதியது. டாஸ் வென்ற சிஎஸ்கே அணி பேட்டிங் தேர்வு செய்தது. துவக்க ஆட்டக்காரர்களாக சாம் கர்ரன் டுபிளெசிஸ் களமிறங்கினர்.

ipl csk vs dc

முதல் ஓவரிலேயே ரன் எடுக்காமல் ஆட்டமிழந்து சிஎஸ்கே ரசிகர்களை அதிர்ச்சியில் தள்ளினார் சாம் கர்ரன். அடுத்து வந்த ஷேன் வாட்சன் டுபிளெசிஸுடன் இணைந்து நிதானமாக ஆடினார். பாப் டுபிளெசிஸ் சிறப்பான ஆட்டத்தைக் கொண்டு அரை சதம் தாண்டினார். 47 பந்துகளில் 58 ரன்கள் எடுத்துக் கொடுத்தார் டுபிளெசிஸ்.

ipl csk vs dc

அடுத்து வந்த அம்பதி ராயுடு துவக்கத்திலேயே அதிரடி காட்டினார். ஷேன் வாட்சன் 36 ரன்களில் ஆட்டமிழந்தார். 5வது ஆட்டக்காரராக கேப்டன் தோனி களமிறங்கினார். சிஎஸ்கேவின் மொத்த ரசிகர்களின் எதிர்ப்பார்ப்புகளும் தவிடு பொடியானது போல 5 பந்துகளில் 3 ரன்கள் மட்டுமே எடுத்து ஆட்டமிழந்தார்.

ipl csk vs dc

அடுத்து களத்து வந்த ஜடேஜா நம்பிக்கைக் கொடுத்தார். ராயுடுவுடன் இணை சேர்ந்து அதிரடி ஆட்டம் ஆடினார். கடைசி 4 ஓவர்களில் இணை சேர்ந்த ராயுடு ஜடேஜா சிக்ஸர்களாக பறக்க விட்டனர். ஜடேஜா 4 சிக்ஸ்கள், ராயுடு 4 சிக்ஸ்கள் என அடித்து தள்ளினர்.

ipl csk vs dc

17 வது ஓவரில் 12 ரன்கள் 18வது ஓவரில் 13 ரன்கள், 19வது ஓவரில் 16 ரன்கள், 20 ஓவரிலும் 16 ரன்கள் குவித்தனர். 20 ஓவர்களில் சிஎஸ்கே அணி 4 விக்கெட் இழப்பிற்கு 179 ரன்கள் எடுத்தது. சவாலான இலக்குடன் பேட்டிங்கிற்கு வந்தது டெல்லி அணி. துவக்க வீரர்களாக ப்ரித்வி ஷா ஷிகர் தவான் இணை களமிறங்கியது.

ipl csk vs dc

இரண்டாவது பந்திலேயே டக் அவுட் ஆனார் ப்ரித்வி ஷா. அடுத்து வந்த ரஹானே 8 ரன்கள் மட்டுமே எடுத்து ஆட்டமிழந்தார். தொடர்ந்து வந்த ஸ்ரேயாஸ் ஐயர் நிதானமாக ஆடினார். தவான் ஸ்ரேயாஸ் இணை நிதானமாக ஆடினாலும் 23 ரன்களில் ஆட்டமிழந்தார் ஸ்ரேயாஸ் ஐயர்.

ipl csk vs dc

தவானுக்கு டெல்லி அணியை கரை சேர்க்கும் அழுத்தம் ஏற்பட்டது. அடுத்து வந்த ஸ்டோய்னிஸ் 24 ரன்கள் எடுத்துக் கொடுத்தார். அடுத்து களமிறங்கிய அலெக்ஸ் கேரி தவானுக்கு ஸ்ட்ரைக் கொடுத்து ஆடினார். கடைசி 2 ஓவர்களில் 35 ரன்கள் எடுத்தால் வெற்றி என்ற நிலையில் அலெக்ஸ் கேரி 19வது ஓவரின் முதல் பந்தில் அவுட் ஆனார்.

ipl csk vs dc

மேலும் படிக்க : இன்று தொட்டதெல்லாம் துலங்கும் நாள்… யாரையும் குறைத்து மதிப்பிடாதிங்க..!!

6 பந்துகளில் 17 ரன்கள் எடுத்தால் வெற்றி என்ற நிலைக்கு தள்ளப்பட்டது டெல்லி அணி. கடைசி ஓவரில் அக்சர் பட்டேல் 3 சிக்ஸ்கள் அடித்து டெல்லி அணியை வெற்றி பெற செய்தார். டெல்லி கேபிடல்ஸ் அணி 5 விக்கெட் வித்தியாசத்தில் சிஎஸ்கே அணியை வீழ்த்தி வெற்றி பெற்றது.


Share this:

Related posts

கிரிக்கெட் ரசிகர்களுக்கு மற்றுமொரு விருந்து…. பெண்கள் T-20 போட்டியை விரைவில் நடத்த முடிவு…!!

MANIMARAN M

IPL : பேட்டிங்கில் தூள் கிளப்பிய டெல்லி – வெறியுடன் துரத்திய கொல்கத்தா

MANIMARAN M

விளையாட்டுத்துறையில் விஸ்வரூபம் எடுக்கும் கொரோனா… பிரபல கால் பந்தாட்ட வீரருக்கு தொற்று உறுதி…!

NEWSKADAI

அதிக ரன் வித்தியாசத்தில் பெங்களூரை வீழ்த்தி பட்டியலில் முதலிடம் பிடித்த டெல்லி அணி..!!!

MANIMARAN M

IPL : கொட்டாவி விட்ட ராஜஸ்தான் சிங்கங்கள் கட்டிப்போட்ட கொல்கத்தா வீரர்கள்

MANIMARAN M

என்னதான் ஆச்சு சென்னை சூப்பர் கிங்ஸ்க்கு? தொடர் தோல்வி…!!

MANIMARAN M