Newskadai.com
தமிழ்நாடு

நாகை மாவட்டத்திலேயே முதலிடம்… ஐ.ஏ.எஸ்.கனவுடன் காத்திருக்கும் மாற்றுத்திறனாளி பெண்ணின் மகள்…!!

Share this:

மாலா ஒரு மாற்றுத்திறனாளி. நாகை மாவட்டம் வேதாரண்யம் தாலுக்காவில் உள்ள பஞ்ச நதிக்குளம் மேலசேத்தி கிராமத்தில் வசித்து வருகிறார். 15 ஆண்டுகளுக்கு முன்பு கணவனைப் பிரிந்து இரண்டு வயது கைக்குழந்தை பரமேஸ்வரியுடன் வாழத் தொடங்கினார். மாலாவிற்கு உறுதுணையாக இருந்த அவரது அப்பா,அம்மா இருவரும் அடுத்த சில வருடங்களில் இறந்து போனார்கள்.

அனாதரவாக விடப்பட்ட மாலா வைராக்கியத்துடன் தன் மகள் பரமேஸ்வரியை வளர்க்கிறார். கிடைத்த வேலைகளை செய்கிறார். காலம் மாறுகிறது குழந்தை பரமேஸ்வரி இப்பொழுது பன்னிரண்டாம் வகுப்பு பயிலும் மாணவி. இத்தனை ஆண்டுகளாக மாலா பட்ட கஷ்டத்திற்கு பலன் கிடைக்கிறது.

ஆம் அவரது மகள் பரமேஸ்வரி பன்னிரண்டாம் வகுப்புத் தேர்வில் நாகை மாவட்டத்திலேயே முதலாவதாக வந்து தாய்க்கு பெருமை சேர்த்துள்ளார். தமிழ்-95, ஆங்கிலம்-94, கணிதம்-95, இயற்பியல்-91, வேதியியல்-95 என 600-க்கு 569 மார்க் எடுத்துள்ளார்.

செய்தியாளர்களிடம் பேசிய பரமேஸ்வரி, தான் ஐந்தாம் வகுப்புவரை அரசு பள்ளியில் படித்ததாகவும், பின்பு மருதூர் பள்ளித் தலைமை ஆசிரியர் ராமலிங்கம் ஐயா அவர்களின் உதவியினால் தனியார் மேல் நிலைப்பள்ளியில் படித்ததாகவும், தன்னுடைய இந்த வெற்றிக்கு என் தாய் மற்றும் தலைமை ஆசிரியர் ராமலிங்கம் ஐயா அவர்களும், அவருடைய மனைவியும் தான் காரணம் என்று கூறினார்.

டாக்டர் அப்துல் கலாம் ஐயா அவர்களை ஆதர்சமாக கொண்ட பரமேஸ்வரி கலெக்டர் ஆவதுதான் தனது லட்சியம் என்று கூறியுள்ளார். மேற்படிப்பிற்காக உதவிகளை எதிர்ப்பார்த்து காத்திருக்கிறாள் இந்த லட்சிய மாணவி.


Share this:

Related posts

அரசு பள்ளிகளில் மாணவர் சேர்க்கைக்கு கட்டணம் வசூலித்தால் நடவடிக்கை பாயும்… அமைச்சர் செங்கோட்டையன் எச்சரிக்கை…!!

MANIMARAN M

நெகட்டிவா? பாசிட்டிவா?… தனியார் மருத்துவமனையின் பித்தலாட்டத்தால் சிக்கித் தவிக்கும் குடும்பம்…!

NEWSKADAI

சென்னையில் மீண்டும் விஸ்வரூபம் எடுக்கும் கொரோனா… ஒரே நாளில் 1182 பேருக்கு தொற்று உறுதி…!!

NEWSKADAI

கைவிட்ட தனியார் மருத்துவமனை, கொரோனா கர்ப்பிணிக்கு பிரசவம் பார்த்த அரசு மருத்துவமனை…

MANIMARAN M

சேலத்தை குலை நடுங்க வைக்கும் ’கொரோனா’… பலி எண்ணிக்கையை பார்த்து பதறும் மக்கள்…!!

NEWSKADAI

பட்டையைக் கிளப்ப போகும் வீரலட்சுமி… 108 ஆம்புலன்ஸ் சேவைக்கான முதல் பெண் ஓட்டுநர்…!!

MANIMARAN M